Formålet med prosjektet er å gjennomføre ei kartlegging av barrierar for utleige hos ulike typar utleigarar, og ein analyse av tilbod-stimulerande verkemiddel, og dessutan komme med tilrådingar om verkemiddelbruk og ønskte og uønskte effektar av ulike verkemiddel.
Eit tilstrekkeleg tilbod av leigebustader er ein føresetnad for ein velfungerande bustadmarknad. Leigemarknaden har komme under særskilt press den siste tida. Leigeprisane i Noreg har auka meir dei siste to åra enn dei åtte åra før. Parallelt med denne utviklinga fell tilbodet av leigebustader, og det er fleire indikatorar som tyder på at pressa i leigemarknaden vil halde fram.
Ein velfungerande leigemarknad kan redusere dei negative effektane av både økonomiske og demografiske sjokk på bustadmarknaden, bidra til større mobilitet i befolkninga og gi ei betre allokering av arbeidsstyrken. I motsett fall vil ein reduksjon i talet på utleigebustader i Noreg kunne bidra til lågare mobilitet og større negative ringverknader av sjokk. Det er derfor viktig med auka kunnskap om kva verkemiddel som kan auke tilbodet i leigesegmentet.
Meir om prosjektet
Dette forskingsprosjektet skal analysere ulike tiltak med potensial til å styrkje tilbodet av utleigebustader. Målet er å betre møte både noverande og framtidige bustadbehov.
Det skal inkludere ei kartlegging av dei primære barrierane for utleige hos diverse utleigargrupper. Vidare skal det vurderes tiltak som kan stimulere tilbodssida i leigemarknaden, og dermed bidra til ein auke i talet på utleigebustader i tråd med det eksisterande behovet.
Tematikken aktualiserer på eit overordna nivå spørsmålet om kva rolle det offentlege bør ha i bustadforsyninga generelt, og i leigemarknaden spesielt.
