Vi veit at høgtlesing er bra for å utvikle leselyst. Kristian Mehlum Lie ville derfor skrive bøker for barn som var artig å lese høgt for vaksne og. Bokserien Konstabel Bannefinger og doktor Even blei dermed skapt. Til no finst det seks bøker i denne serien, der Det spøker på Prompeskogen skolebibliotek er siste bok ut.
Kristian Mehlum Lie jobbar ved avdelinga for samfunnskontakt og kommunikasjon ved OsloMet. Han vil i dette lunsjpåfyllet seie litt om bokprosjektet og korleis det er å skrive bøker som har både spenning, humor og fis på menyen.
Arrangør: Lunsjpåfyll ved Universitetsbiblioteket.
Ein av lesarane av bokserien, Bokbloggeren, trillar seks på terningen og beskriv "Reisen til Julefisen" slik: "Det er ikkje alltid like lett å klare å nå frem med sitt språk, sine bodskap og metaforbruk når målgruppa er i så låg i alder som det er her. Men forfatter klarer dette utmerket, og det er ein fryd å sjå korleis ting heng saman, og korleis han set seg ned på huk og møter barna på deira nivå, metaforisk sett. Det er kunst."
Arrangementet er ope for alle! Ta gjerne med lunsjen din, vi står for kaffi og te.
