Måndag 26. mai står avgangsstudentar frå grunnskolelærarutdanninga trinn 1-7 og trinn 5-10 klare til å fortelje om masterprosjekta sine.
Vi har organisert dette som ei messe der kvart masterprosjekt har ein eigen stand, så publikum kan gå rundt og sjå på dei ulike prosjekta.
Det er oppgåver frå alle faga i lærarutdanninga for eksempel naturfag, begynnaropplæring, musikk og pedagogikkfordjuping. Studentane er sjølv til stades og presenterer prosjekta sine, som alle tar opp relevante problemstillingar som gjeld det framtidige yrket deira som lærarar i grunnskolen.
Det er høve til å snakke med studentane om prosjekta deira:
- Kva slags metodar har dei brukt?
- Korleis har datainnsamling og analyse gått føre seg?
- Korleis er det eigentleg å gjennomføre ei masteroppgåve?
- Kva slags tips har dei erfarne studentane å gi til dei som står på trappene til å velje seg tema og metode i masteroppgåva?
Møt opp til mastermesse. Vi oppfordrar særleg 4. årsstudentar ved lærarutdanninga til å komme for å få inspirasjon.
Vi stiller med kake og kaffi, og vi håpar mange kjem og ser på dei mange gode prosjekta frå studentane!
