Med vår posisjon som eitt av dei største universiteta i Noreg, breidda i profesjonsutdanningane våre og plassering i storbyen Oslo, er OsloMet godt posisjonert til å gi viktige bidrag til ei berekraftig samfunnsutvikling.
OsloMet skal arbeide for ei berekraftig utvikling lokalt, nasjonalt og internasjonalt. Dette skal omfatte både utdanningane, forskinga og eigen organisasjon.
OsloMets arbeid med berekraft er tydeleg forankra i universitetet sin strategi, der vi forpliktar oss til å:
- sikre at studentane våre oppnår profesjonsrelevant kompetanse om berekraftig utvikling, og korleis dei kan bidra til løysingar
- utvikle forsking med høg kvalitet om korleis samfunnet skal handtere klima- og miljøøydeleggingar, og spesielt korleis dette heng saman med økonomiske og sosiale forhold
- utvikle samarbeid regionalt, nasjonalt og internasjonalt med relevans for klima, miljø, og berekraftig utvikling
- redusere universitetets belastning på klima og miljø
Utval for samfunnsforbetringar
OsloMet sitt utval for samfunnsforbetringar (ansatt.oslomet.no) skal bidra til å utvikle universitetet sitt arbeid med samfunnsforbetring, inkludert innovasjon og berekraft.
Les meir:
- OsloMet er medlem i Etisk handel Norge (ansatt.oslomet.no)
- Vesentlegheitsanalyse av berekraftsarbeidet ved OsloMet (ansatt.oslomet.no)
- Utdanning med berekraftsperspektiv
- Forsking på berekraft
- Grønt OsloMet
