FoU-utvalet ved Fakultet for samfunnsvitskap

• Professor Steen Steensen, prodekan (leiar)
• Professor Håkon Larsen (Inst. ABI). Vara: Førsteamanuensis Åse Kristine Tveit
• Faggruppeleder Siri Brorstad Borlaug (Handelshøyskolen ved OsloMet). Vara: Dosent Line Christoffersen
• Professor Birgitte Kjos Fonn (Inst. JM). Vara: Professor Harald Hornmoen
• Professor Rune Halvorsen (Inst. SF). Vara: Førsteamanuensis Therese Saltkjel
• Ann-Sofie Elbrønd Nissen, ph.d.-stipendiat. Vara: Mattis Christensen Oldeide Vaaland, ph.d.-stipendiat
• Eksterne:  Kari Steen-Johnsen, Institutt for samfunnsforsking 
• Studentar: Andreas Gjeitnes Gundersen. Vara: Sander Vestby

FoU-utvalet som ressurs skal ha nødvendig forskingsstrategisk og forskingspolitisk kompetanse. Samtidig skal utvalet ha eit heilskapleg blikk for fakultetets verksemd på̊ FoU-området, og kjennskap til overordna FoU-arbeid ved OsloMet. 

FoU-utvalet skal ha følgjande samansetjing:

• Prodekan for FoU (leiar)
• 4 representantar frå fakultetets UF‐tilsette, ein frå kvart institutt
• 1 representant frå midlertidige UF-tilsatte (stipendiatar/postdoktorar) 
• 2 representantar for studentane
• 1 ekstern representant

Utvalet må totalt sett ha forskningsstrategisk og forskningspolitisk kompetanse, representere ulike forskningsfelt og ha erfairng med forskingsleiing. 

Vervet inneber møteplikt. Alle medlemmar i FoU-utvalet skal ha personleg vara. 

Seksjon for FoU ved fakultetet er sekretær for utvalet.

Oppnemning / val av representantar

• Dekanen oppnemner ekstern representant. Prodekan FoU er forslagsstillar.
• Dekanen oppnemner UF-tilsette. Prodekan FoU og instituttleiarane er forslagsstillarar. 
• Dekanen oppnemner dei mellombelse UF-tilsette for to år av gongen. Prodekan FoU og instituttleiarane er forslagsstillarar.
• Fakultetsrådet til studentane vel sine representantar for eitt år av gongen. 

Samansetjinga av utvalet skal vere i samsvar med reglane i Likestillingslovas § 21 om representasjon av begge kjønn i utval, og bør i mest mogleg grad spegle det mangfaldet som finst på fakultetet.

Representantar for UF-tilsette og eksterne representantar kan utnemnast for maksimalt to etterfølgjande periodar.

Funksjonstida for utvalet er 4 år, og følgjer fakultetsstyret si periode. Med unntak av studentrepresentantar og de mellombelse UF-tilsette blir utvalsmedlemmer utnemnde for same periode. 

FoU-utvalet på Fakultet for samfunnsvitskap er rådgjevande overfor fakultetsleiinga, og kan få delegert vedtaksmyndigheit i enkeltsaker. 

FoU-utvalet skal bidra til å utvikle FoU- og innovasjonsarbeidet ved SAM. Utvalet skal bidra til at fakultetet har ein heilskapleg FoU- og innovasjonsstrategi og vere et bindeledd mellom fagmiljø ved institutta og fakultetet si leiing for å kunne fange opp initiativ frå forskingsmiljøa. Utvalet skal m.a. gjennom kontakt med Utdanningsutvalet og Doktorgradsutvalet på fakultetet sikre god kopling mellom FoU og utdanning i alle tre syklusar (bachelor, master og ph.d.). 

Utvalet skal gjere vedtak i saker som er delegert frå dekanen og gi råd til fakultetsleiinga i strategiske spørsmål knytt til FoU-utviklinga. Utvalet skal vere ein arena for å diskutere politiske, strategiske, faglege og etiske sider ved forsking, utviklingsarbeid og innovasjon, og for å vurdere erfaringar og resultat. Utvalet kan sjølv initiere utgreiingar på dei områda utvalet finn nødvendig.

FoU-utvalet skal etter delegering frå dekanen:

• fordele fakultetets strategiske midlar innan FoU-området
• fastsetje kriterium for etablering og endring av forskningsgrupper
• godkjenne og evaluere forskingsgruppene etter innstilling frå dei instituttleiarane det vedkjem

FoU-utvalet er rådgjevande overfor fakultetsleiinga i saker som gjeld:

• utvikling  og implementering av FoU‐strategi og ev. underliggjande strategiar (for eksempel  forskingsformidlingsstrategi, internasjonaliseringsstrategi), i tråd med fakultetets strategi og OsloMets FoU-strategi
• utvikling av gode rammevilkår for forskings‐ og utviklingsarbeid, herunder kriterium for tildeling av FoU‐tid
• arbeid med forskingsetikk og standardar for reieligheit i forsking
• årsplanar og budsjettiltak som gjeld FoU‐verksemda
• høyringssvar innanfor utvalets ansvarsområde

Arbeidsform

Utvalet skal i sitt arbeid legge til rette for diskusjon og erfaringsutveklsing med sikte på å utvikle beste praksis i dei sakene som er til handsaming i utvalet.

Medlemmane i utvalet kan foreslå saker til handsaming. Dagsorden blir fastsett av prodekan.

Ved eventuelle avstemmingar gjeld følgjande: I saker der utvalet er gitt avgjerdsstyresmakt av dekan, har kvart medlem ei stemme. Ved stemmelikskap har utvalsleiar dobbelststemme.

• Leiar for FoU-seksjonen
• Utvalgssekretær: Kersti Ahrén Heløe