Hjelp til IT, lyd, film, bilete

I 2. etasje, i Biblioteket P48, kan du låne og få rettleiing i bruk av audiovisuelt utstyr (AV), til dømes lydopptakar, videokamera og projektor.

AV-utstyr kan du reservere i søketenesten Oria:

• Alle studentar og tilsette ved OsloMet (oria.no)
• JU-studentar (oria.no)
• MOK1-studentar (oria.no)
• MOK2- og MOK3-studentar (oria.no)
• MOK1-, 2- og 3-studentar (oria.no)

• Du kan låne AV-utstyr same dag ved å møte opp i AV/IT-skranken i 2. etasje i Biblioteket P48, eller førehandsbestille ved å søke opp utstyret du ønsker i Oria (oria.no).
• AV-utstyr må du hente og levere i AV/IT-skranken i 2. etasje, Biblioteket P48.
• Du vil få beskjed på sms/e-post når du kan hente utstyret innanfor bemanna opningstid.

IT-servicedesk hjelper deg med IT-relaterte utfordringar i 2. etasje, Biblioteket P48. Her kan du mellom anna få hjelp til problem med program, tilgangar, utskrifter, filer og liknande, i tillegg til problem med datamaskinar og skrivarar på studiestaden.

Rettleiing og informasjon om IT-konto og passord, e-post, Office 365, utskrift, pålogging til eduroam / trådlaust nettverk, programvare og lagring ved OsloMet (student.oslomet.no).

Kontaktinformasjon

• Biblioteket P48, 2. etasje
• E-post: itservicedesk@oslomet.no
• Telefon: 67 23 55 55

Opningstider, AV-utlånet og IT-servicedesk

Informasjon om opningstider: IT-servicedesk for tilsette (ansatt.oslomet.no) eller IT-servicedesk for studentar (student.oslomet.no).

Videoproduksjon

Vi har spesialkompetanse innan alle fagfelt knytt til videoproduksjon og produserer dokumentarar, reklame og informasjons- og undervisningsfilmar både for interne og eksterne oppdragsgivarar.

Vi hjelper studentar og tilsette med å realisere store og små prosjekter enten som rådgjevarar i startfasen eller som produsentar for heile prosjektet.

Medieseksjonen har i periodar stort produksjonspress, så ventetid må påreknast.

Før du byrjar å planlegge innhaldet i ein film som skal publiserast på FilMet må du hugsa på:

• Bruk bilete som er rettigheitsklarert. Rettleiingsfilm om bruk av bilete (film.oslomet.no).
• Har du eige biletmateriale, må du ha samtykkeerklæring frå dei som er avbilda. Samtykkeskjema og retningslinjer for foto og filmopptak (ansatt.oslomet.no).
• Planlegg korte filmar. Det er betre med fleire korte enn éin lang.
• Ta kontakt med Medieseksjonen i god tid hvis du vil ha hjelp til opptaka.
• Informasjon om publiseringsavtalane (film.oslomet.no). Formålet med publiseringsavtalar er å sikra dei involverte sine rettigheiter. 

Strøyming - direktesendt tv

Vi kan hjelpe deg med strøyming og/eller opptak av konferansar og forelesningar. Med strøyming kan du formidle innhaldet ditt til fleire enn dei som kan være til stades under sjølve arrangementet. Programmet blir produsert på direkten.

NB: Slike produksjonar er ressurskrevjande med omsyn til personar og utstyr, ta difor kontakt med oss minimum 3 veker før arrangementet skal haldast.

Lydproduksjon

Vi har eit fullt utstyrt fleirspors lydstudio basert på Avid HDX og Pro Tools, der vi gjer nær all postproduksjon av våre opptak og filmar. I studio kan vi utføre alt frå innlesing av enkel tale til opptak og fleirspors miks av orkester eller film.

Fotografering

Vi kan hjelpe med fotografering og kan også gje enkel introduksjon til kamerautstyr og fototeknikk til både studentar og tilsette. Vi held og kurs i introduksjon til fotografi, etter avtale. 

Lån kamera og AV-utstyr i Oria (oria.no).

Studio48 

I Studio48 kan du som tilsett ved OsloMet gjere videoopptak av intervju, presentasjonar (med eller utan PowerPoint og liknande), boklanseringar, helsingar, taler, introduksjonar og så vidare. Studioet er bemanna med ein teknikar og studiotid må reserverast i god tid. Vel du å legge produksjonen opent tilgjengeleg via FilMet kjem du fram i køa (film.oslomet.no).

Det er viktig å vere godt førebudd før opptak. Ved fyrstegongsopptak er det difor naudsynt med ein førebuande samtale i god tid før opptak.

TV-studio P48

TV-studioet ligger i Pilestredet 48, 3. etasje. Studioet er tilgjengeleg etter avtale for alle studentar og tilsette på OsloMet. Det er enkelte restriksjonar på bruken, då noko av det tilgjengelege utstyret krev spesialkompetanse. Rommet er brukt som klasserom for Medier og kommunikasjon og vil difor vere opptatt i undervisning og produksjonsperiodar.

Selfiestudio

Selfiestudio i P48 (R306) er eit lite videostudio for tilsette som vil gjere opptak av korte og lengre førelesingar for publisering på nett.

Rommet inneheld: kamera, mikrofon, TV-monitor og eit styringspanel som gjer det enkelt å bruke utstyret. Alt du treng å ta med deg sjølv er ein pc med presentasjonen din og ein minnepinne til å lagre opptaka dine på. Du kan reservere tid i rommet på lista som heng på veggen utanfor studioet. 

Dersom du kjem som fyrstegongsbrukar er det lurt å be Medieseksjonen om ei kort innføring i bruk av utstyret. 

Lydstudio P48

Frydenlyd er eit opptaks-/post-produksjonsstudio for lyd og lyddesign. 

Studioet tilbyr avdelingar og utdanningar ved OsloMet og eksterne oppdragsgivarar lydtenester som lydbøker, fleirsporsopptak, lydmix, video/film post-produksjon og mastring. Studioet nyttar Pro Tools HDX og D-Command.

Studioet er bemanna med ein teknikar og studiotid må reserverast i god tid.

Vi hjelper til med å skaffe audiovisuelt utstyr til fakultet og avdelingar. 

Om du ikkje finn det du har behov for i utlånet vårt (oria.no), men ønskjer å kjøpe eget kamera/videokamera eller lydopptakutstyr til bruk i undervising eller forsking, kan du ta kontakt med oss for rådgjeving og innkjøp.

Vi kan også gi råd om val av program for redigering og etterbehandling av lyd- og bileteopptak.

Tilsette som ønskjer å bestille utstyr til møte- og undervisningsrom må ta kontakt med Auditoriehjelpen (ansatt.oslomet.no).

Har du behov for lydforsterking i samband med ekstraordinær forelesing, kulturelle innslag, sang, dans og musikk?

Vi tilbyr følgande lydtenester:

• Enkelt DJ-/talelyd-anlegg, sjølvbetent.
• Middels sang-, tale- og DJ-anlegg (PA), sjølvbetent eller AV-hjelp.
• Større PA-produksjon for band, revy, lunsjkonserter, avhengig av teknikar.

PA = høgtalarar som egner seg for musikk og konsertlyd overfor ei større mengde publikum. Lån av dette utstyret må alltid avtalast god tid på førehand. Ved større arrangement eller behov for teknikar utover normal arbeidstid kan avtalar om overtidsbetaling være aktuelt. 

NB: Vi har mange oppdrag – kontakt oss derfor minimum 14 dager før arrangementet skal haldast. 

FilMet er OsloMets portal for undervisningsfilm (film.oslomet.no), og er laga for både studentar og tilsette. Filmane er sortert etter fakultet, institutt og emneord. Informasjon om FilMet inkludert publiseringsavtalar (film.oslomet.no).

Dei fleste filmane ligg åpent tilgjengeleg og nedlastbart, men er knytt til ein Creative Common-lisens (creativecommons.org) som har restriksjonar for bruk og deling. Filmane kan lastast ned og deles med andre så lenge OsloMet er namngjeve som opphavsperson, men filmane kan ikkje endrast eller brukast kommersielt.

Har du eiget materiale som du meiner er relevant å publisere på FilMet, så ta kontakt med oss: medieseksjonen@oslomet.no.

OsloMetX (x.oslomet.no) er OsloMets digitale forlagsverksemd, og publiserer og held ved like digitale læremiddel, enten som helthetlige læreverk ("digitale lærebøker") innanfor ulike fagområde, eller mindre omfangsrike kurs som tek for seg heile eller delar av emne.  Felles for desse er at dei er spesialtilpassa for nett. Informasjon om OsloMetX.

Medieseksjonen tilbyr veiledning og rådgjeving i samband med bruk av utstyr for lyd/bilete/kamera/telefon på heimekontoret. Det er sjølvsagt ikkje alt som kan løysest over distanse, men kanskje meir enn ein skulle tro. Vi har bred kompetanse på mange av dei tekniske problemstillingane tilsette møter. Ta kontakt om du har ei utfordring du tror vi kan hjelpe deg med.