Foreldreskap blant etniske og religiøse minoritetar i Noreg

Dette prosjektet undersøkjer korleis etniske og religiøse minoritetar i Noreg opplever det å vere mor og far for «store barn» og ungdom.

• Korleis er det å vere far og mor for "store barn" og ungdom i ein minoritetskontekst i Noreg?
• Kva utfordringar opplever foreldre som har andre oppdragarideal enn dei som blir oppfatta som vanlege i majoritetssamfunnet?
• Korleis opplever foreldra møtet med institusjonane og tenestene i velferdsstaten for barn og familiar?

Vi skal undersøkje spørsmåla gjennom kvalitative intervju med mødrer og fedrar som reknar seg som del av ein etnisk og/eller religiøs minoritet i Noreg.

Ein bakgrunn for prosjektet er kritikk mot at offentlege institusjonar og tenester på familie- og oppvekstområdet er tilpassa majoritetsfamiliar. Ein annan bakgrunn er bekymringane til styresmaktene rundt likestilling og den manglande sjølvråderetten til barn og unge i enkelte minoritetsfamiliar.

Prosjektet skal bidra til forskingsbasert kunnskap om ulike former for foreldreskap i det norske samfunnet, med utgangspunkt i foreldres perspektiv. Det overordna målet er å bidra til utviklinga av likeverdige tenester, tiltak og innsatsar på familie- og oppvekstområdet.

Sjå opptak av seminaret: Foreldreskap blant etniske og religiøse minoriteter – Lik praksis, ulike verdier (film.oslomet.no).

Les også