Alle forskarar som skriv innanfor feltet, uansett disiplin eller tema, blir invitert til å presentere arbeida sine i eit kollegialt forum. Seminaret er reservert for artikkelutkast (eller utkast til bokkapittel) som er tenkt publisert i fagfellevurderte tidsskrift i Noreg og internasjonalt.
Vi fører vidare formatet med ein kort presentasjon av arbeidet etterfølgde av ein førebudd kommentar og generell diskusjon, ca. ein halv time per paper.
Seminaret vil finne stad på OsloMet, og er eit samarbeid mellom dei fire SVA-institutta og Senter for bustad- og velferdsforsking (BOVEL). Det vil bli servert lunsj og felles middag på kvelden.
Ein kan også delta utan å leggje fram paper, men vi føreset at alle deltakarar er med og bidreg til å gjere dette til eit levande og konstruktivt arbeidsseminar.
Vi ønskjer å nytte høvet til å minne om Tidsskrift for boligforskning (idunn.no). Som i fjor blir deltakarane til workshopen inviterte til å sende bidrag til tidsskriftet. Tidsskriftet tar imot og vil vurdere bidrag heile året.
Vi håpar å sjå så mange av dykk som mogleg!
Hilsen arrangementskomiteen
Kristin Aarland, NIBR ved OsloMet, og Jardar Sørvoll og Janis Umblijs, NOVA ved OsloMet
Foto: Colourbox.com
