Samandrag
Målet med avhandlinga har vore å bidra til å utvikle ein KI-dreven barneavatar for realistisk ferdigheitstrening i forskingsbaserte samtalar med barn. Høykvalitetssamtalar er avgjerande i saker om overgrep mot barn.
Evaluering av reelle transkriberte samtalar i barnevernet og politiavhøyr av førskulebarn i to studiar bekrefta internasjonale funn av sjeldan bruk av anbefalte opne spørsmål blant fagpersonar. Utvikling innan KI har auka interessa for avatarløysingar som verktøy for ferdigheitstrening. Evaluering av korleis førstelinjearbeidarar samhandla med den mekaniske avataren LiveSim i spørsmålsferdigheitstrening, viste høgt brukarengasjement og understøttar bruksvennlegheit. Ein tekstbasert KI-dreven barneavatar vart utvikla og effekten av ferdigheitstrening vart undersøkt. Studien viste forbetra bruk av opne spørsmål, spesielt når treninga vart kombinert med automatisert tilbakemelding på spørsmålstypar. Tilbakemeldingsfunksjonen viste høgt samsvar med ekspertvurderingar.
Samla understøttar avhandlinga vidare utvikling av samtale-genererande KI-avatarar med integrert, individuell tilbakemelding for realistisk og kostnadseffektiv samtaleferdigheitstrening. Styrking av samtaleferdigheiter vil kunne forbetre informasjonsinnhenting frå barn i sårbare situasjonar.
Les meir om disputasen på den engelske nettsida.
