- 10.00: Prøveforelesing
- 12.00: Disputas
Vurderingskomité:
- førsteopponent: professor Madeleine Zetterberg, Sahlgrenska Universitetssjukhuset, Göteborgs universitet, Sverige
- andreopponent: førsteamanuensis Ellen Svarverud, Universitetet i Søraust-Noreg
- leiar av komiteen: professor og prodekan Kaare Magne Nielsen, OsloMet
Disputasleiar er professor Ellen Karine Grov, OsloMet.
Hovudrettleiar er overlege og ph.d. Øygunn Utheim, Øyehelseklinikken, Oslo universitetssjukehus.
Medrettleiarar er OsloMet-professorar Parisa Gazerani og Tor Paaske Utheim, faglig leder, ph.d. Kjell Gunnar Gundersen, Ifocus øyeklinikk, førsteamanuensis Xiangjun Chen, Universitetet i Søraust-Noreg og Tørreøyneklinikken, og professor Aleksander Stojanovic, UiT Noregs arktiske universitet.
Last ned avhandlinga frå ODA (oda.oslomet.no).
Samandrag av avhandlinga
Tittel på avhandlinga: "Cataract Surgery and Dry Eye Disease Prevalence, Effects of Preservative-Free Eyedrops and Artificial Tears in Pre-and Postoperative Care".
Operasjon av grå stær er i dag den vanlegaste augeoperasjonen på verdsbasis. Teknologisk utvikling og forventninga til pasienten om brillefridom stiller større krav til presisjon og nøyaktigheit. Vi veit i dag at tørre auge kan påverke resultatet for pasienten, både synsmessig og korleis dei kjenner seg etter operasjonen.
Tørre auge er ein svært vanleg tilstand som blant anna gir ein ustabil tårefilm. Ein ustabil tårefilm skaper forstyrringar og resulterer i svært usikre målingar før ein grå stær-operasjon som igjen kan påverke sluttresultatet. Ei rekke tidlegare studiar har fokusert på tørre auge etter grå stær-operasjon, men det er mindre forsking på tørre augne-status før operasjon og behandling av tørre auge for desse pasientane.
Vi ville med denne studien undersøke førekomsten av tørre auge hos grå stær-pasientar ved å bruke ulike testar. Vi ville også undersøke om konserveringsmiddelet som i dag blir brukt i augnedropar før og etter operasjon kan påverke augehelsa til pasienten. I tillegg blei det sett på om bruk av kunstig tårevæske påverka treffsikkerheita for utrekning av brytningsstyrken til den kunstige linsa før operasjon.
Resultat
Resultata av studien viste at over halvparten av pasientane hadde tørre auge, der fleirtalet var kvinner og svært mange hadde nedsett funksjon av augnelokkjertlane som skil ut stabiliserande feittstoff til tårefilmen. Vidare fann ein at kortvarig bruk av augnedropar med konserveringsmiddel hadde liten innverknad på tårefilmen, og at bruk av kunstig tårevæske ikkje påverka måleresultata i nemneverdig grad.
Denne studien bidrar til betre forståing av korleis tørre auge kan påverke pasienten både før og etter ein grå stær-operasjon, og viser kor viktig ei skikkeleg forundersøking er, med fokus på undersøking og behandling av tørre auge.
