Kunst- og handverkskonferansen 2025

(Med atterhald om mindre endringar).

09:00-09:30 Kaffi og registrering (Inkludert påmelding til workshops. Førstemann til mølla)

09:30-09:35 Velkommen ved June Kunnikoff, konferansier

09:35-09:45 Opningstale ved Liv Dahlin, instituttleiar ved Institutt for estetiske fag, OsloMet

09:45-10:30 Henrik Holm: "Læraren som munter forskar i ein teoritung skule?" 

Henrik Holm er filosof, pedagog og forskar. Han har både doktorgrad i filosofi og musikk, og har lang fartstid i forsking og undervisning. Han jobbar ved OsloMet og Steinerhøgskulen som professor i filosofi og førsteamanuensis i pedagogikk, og har tidlegare vore tilsett ved Noregs musikkhøgskule, Universitetet i Hamburg, Universitetet i Rostock og Humboldt-universitetet i Berlin. Han har skrive ei rekkje bøker og artiklar på norsk, tysk og engelsk, og er ein etterspurd foredragshaldar.

Filosofen Friedrich Nietzsche skreiv "Den muntre vitskap". Den inneheld mange gode tankar for pedagogar, kunstnarar og frittenkende menneske. I dette foredraget vil Henrik Holm ta dykk med på ei reise frå Nietzsches muntre vitskap til korleis læraren i dag kan bli ein munter forskar. Me treng humor, latter og spøk i dagens teoritunge skule. Å le handlar om å bli ramma: Taktilitet på høgt emosjonelt og intellektuelt plan.

10:30-10:45 Kaffipause

10:45-11:10 Raisa Porsanger presenterer kunstnarskapet sitt

Raisa Porsanger er ein nordsamisk kunstnar frå Lakselv og Karasjok, busett i Oslo. Ho jobbar med installasjon, skulpturelle verk, videokunst, fotografi og illustrasjon. Ho vil fortelja om kunstprosjektet sitt med biletrammer dekorert med sisti (garva reinskinn), rosa reinskinn og tekstil. Rammene blir viste saman med kunstverk av andre kunstnarar, og verka knyter dermed saman samiske duodji-tradisjonar og den vestlege kunsthistoria.

11:10-11:20 June Kunnikoff: "Den framtidige læraren i kunst og handverk som ressurs for samarbeid og entreprenørskap - i og utanfor skulen".  

Grunnskulen blir namngitt som teoritung og det blir støtt og stadig løfta debatt om behovet for ein meir praktisk skule for auka meistring og trivsel. Rolla til læraren i arbeidet med læringa og trivselen til elevane er avgjerande, men korleis kan utdanna lærarar i kunst og handverk vera ein særleg viktig ressurs for ei meir praktisk tilnærming til læring på eigen arbeidsplass i skulen i framtida?

June Oline Kunnikoff, undervisningsleiar ved Institutt for estetiske fag ved OsloMet, presenterer her eit perspektiv på kompetansen til den framtidige KH-læraren via pedagogisk entreprenørskap og oppdragsbasert praksisopplæring i lærarutdanninga (LUPE), Lærerutdanning i praktiske og estetiske fag for trinn 1-13, design kunst og handverk.

11:20-11:35 Sparebankstiftinga ved Birthe Mørreaunet Selvaag: "Skulen kan få meir pengar til kunst- og handverksprosjekt".

Birthe Mørreaunet Selvaag er rådgivar for kunst- og kulturprosjekt i Sparebankstiftelsen DNB. Stiftinga støttar tiltak som kjem barn og unge til gode på ei rekkje område og ønskjer å støtta fleire lærarinitierte kunst- og handverksprosjekt. I dette innlegget vil Birthe fortelja om kva som skal til for å få støtte til kunstprosjekt, og si meir om kva slags tiltak stiftinga støttar.

11:35-11:50 KKS, Oslomet, Statped: "Synstolking på fleire måtar"

I dette innlegget vil de bli kjende med tolking av biletkunst på fleire måtar. Korleis kan me skapa engasjement for biletkunst for elevar med synsnedsetjingar? Nasjonalt senter for kunst og kultur i opplæringa (KKS), Oslomet og Statped har starta eit inspirerande samarbeid og vil presentera dette saman.

11:50-12:45 Lunsj

12:45-13:45 Workshops

Gitte Skjønneberg: "Taktile møte i kunst og handverk - møte mellom student, lærar og broderi

Taktile møte gjennom handarbeid kan skapa gode læringssituasjonar som kan stryka opplevinga til studentane og auka forståing for detaljar i arbeidet. Det vil gjennomførast ein Workshop på 60 minutt med døme på studentarbeid som er gjennomført på den 5-årige lærarutdanninga i estetiske fag ved OsloMet. Det vil også bli tid til noko praktisk arbeid.

Marita Ølander: "Blomstrande sirkulær samskaping"

I denne workshopen ser me på ulike framstillingar av blomstrar på klede, brukskunst og andre gjenstandar. Me testar overføring av ulike teknikkar til teikning med tekstiltusj før me samskaper eit felles tekstilt verk. Medan me jobbar snakkar me om å skapa saman, kva det gjer med oss og kva ferdigheiter elevane våre kan tileigna seg ved å skapa noko saman frå fagleg og livsmeistrande perspektiv.

Statped, Oslomet, KKS: Lineær taktil historie: Info kjem snart.

Solveig Sumire Sandvik og Åse Kvalbein: "Kven vil du setja på sokkel?" Portrettmodellering av hovud i papirleire.

Kven er viktig for deg? Vi jobbar saman med hovudmodellering i papirleire samtidig som me tenkjer på eigenskapane til personen vi modellerer. 

Metoden som blir brukt er først utvikla av Tor Jarle Wergeland, førstelektor ved Universitetet i Agder. Deretter er den vidareutvikla og dokumentert til ein formidlingsverkstad ved KODE-musea i Bergen av Åse Kvalbein ved NLA Høgskulen og Solveig Sumire Sandvik frå KODE Bergen. 

Deltakarane får instruksjonar både gjennom film og praktiske demonstrasjonar. Individuelt arbeid med tekst i forkant av modelleringar og kollektiv utstilling av dei ferdige hovuda, inngår som ein del av mikroverkstaden.

13:45-14:05 Kaffipause og lett servering

14:05-14:15 Intro til Stortingsmeldinga ved Jonas Bjørnerud

Den 13. september 2024 la Kunnskapsdepartementet fram St. Meld. 34 (2023–2024) Ein meir praktisk skule – Betre læring, motivasjon og trivsel på 5.–10. trinn for Stortinget. Dei siste åra har det vore ei negativ utvikling i skulen med svakare læringsresultat, søkkande motivasjon, mindre trivsel og meir mobbing og fråvær. Stortingsmeldinga skal bidra til å utvikla ein meir praktisk skule der elevane lærer meir, blir meir motiverte og trivst betre.

14:15-14:50 Panelsamtale. Irene Brodshaug leier samtalen

Kunst og handverksfaget og lærarar i kunst og handverk bør vera ein viktig del av Stortingsmeldinga, men kva plass har faget eigentleg fått i denne? I paneldebatten diskuterer me Stortingsmeldinga og moglegheiter og utfordringar for kunst og handverksfaget framover.

• Henrik Holm, førsteamanuensis i pedagogikk ved OsloMet og professor i filosofi ved Steinerhøgskulen. 
• Kjersti Svendsen, rektor Voldsløkka skule 
• Eivind Moe, styreleiar for Kunst og design i skulen  
• Gry Klepp, ungdomsskulelærar Skullerud 

14:50-15:00 Avslutning ved June Kunnikoff: Takk for i dag!