Mange arbeidsplassar manglar arbeidskraft, og denne utfordringa vil sannsynlegvis berre bli større i åra som kjem. Samtidig står ei relativt stor gruppe av personar med utviklingshemming utanfor arbeidslivet, sjølv om dei er i stand til å utføra praktiske arbeidsoppgåver.
I dette lunsjseminaret fortel professor Veerle Garrels om resultata frå eit fireårig forskingsprosjekt som undersøkte kva som kjenneteiknar vellykka overgangar frå skole til arbeidsliv for unge vaksne med utviklingshemming.
I tillegg møter vi jobbspesialist Kenan Hadzijusufovic og arbeidstakar Sebastian til intervju, der dei vil fortelje om eigne erfaringar frå arbeidslivet.
Vel møtt til eit spennande lunsjseminar!
Program
- 11.30-12.15: Foredrag med professor i spesialpedagogikk Veerle Garrels: «Overgangen frå skole til arbeidsliv for unge vaksne med utviklingshemming. Oppsummering av eit fireårig forskingsprosjekt.»
- 12.15 -12.45: Intervju med jobbspesialist Kenan Hadzijusufovic og arbeidstakar Sebastian
- 12.45 -13.00: Spørsmål fra publikum.
