I ein studie publisert våren 2024 har forskarar ved Høgskulen på Vestlandet (HVL) analysert masteroppgåver i grunnskolelærarutdanninga.
Resultata vart omtalte i Khrono (khrono.no). Her vart det mellom anna peika på masteroppgåver som i lita grad tek omsyn til behovet til praksisfeltet for kunnskapsutvikling, lite metodisk variasjon, og at behovet til studentane for informantar blir opplevd som ei belastning for tilsette i skolen.
Meiningane om dette er mange, og debatten heldt fram, mellom anna med fleire innlegg i Khrono om metodisk balanse, rettleiing, og nytta av forskingsintervjuet.
Vi har invitert Knut Steinar Engelsen, professor ved HVL og ein av forskarane bak studien, til OsloMet Holmlia for å innleie til debatt.
Studien frå HVL dreier seg om grunnskolelærarutdanninga, men på dette seminaret vil vi diskutere problemstillinga også for andre profesjonsutdanningar, som barnehagelærar- og sjukepleiarutdanning og sosialfag.
I ein rapport frå 2022 om arbeid med bachelor- og masteroppgåver i lærarutdanningane kom Faglig råd for lærarutdanning med nokre tilrådingar.
Med bakgrunn i desse og debatten den siste tida spør vi:
Korleis sørger vi for at masteroppgåvene er blir tettare forankra til dei behova praksisfeltet har?
Og korleis kan utdanningsinstitusjonar og praksisfelt jobbe best mogleg saman for å sikre relevante masteroppgåver?
Program
- Velkommen ved Mette Tollefsrud. Prosjektleiar OsloMet Holmlia
- Ein forskingsintegrert og praksisorientert utdanning? Ved Knut Steinar Engelsen, professor ved Høgskulen på Vestlandet og medlem av Faglig Råd for lærarutdanning 2025
Kommentarar og paneldebatt ved:
- Knut Steinar Engelsen, professor ved Høgskulen på Vestlandet og medlem av Faglig Råd for lærarutdanning 2025
- Frode Thorjussen, direktør i avdeling for samfunn og innbyggardialog, Bydel Søndre Nordstrand
- Trond Herbert (Hebbe) Johansen, rektor ved Mortensrud skole
- Victoria Telle Hjellset, førsteamanuensis ved Fakultet for Helsevitenskap
- Sølvi Mausethagen, professor ved Senter for profesjonsstudiar (SPS) og prodekan for FoU ved Fakultet for lærarutdanning og internasjonale studium
Sølvi Mausethagen vil leie panelet.
Det blir kaffi og enkel servering.
Påmelding innan 23. august.
Les meir
- Fagleg råd for Lærarutdanning: Arbeid med bachelor- og masteroppgåver i lærarutdanningane (regjeringen.no, PDF)
- En forskningsintegrert og praksisorientert utdanning? Analyse av de første masteroppgavene i Grunnskolelærerutdanningene ved Høgskulen på Vestlandet våren 2022 (idunn.no)
- Uklar nytte av bachelor- og masteroppgaver i lærerutdanningene - om ein rapport frå Senter for profesjonsforsking
Meir om OsloMet Holmlia
-
OsloMet Holmlia
OsloMet er til stede på Holmlia senter med ulike fag- og forskningsmiljøer, herunder forskningsmiljøet Storbybarn.