Avdelinga arbeider med strategisk kommunikasjon og har ansvar for å forvalte kommunikasjonspolitikken til universitetet og dei felles kanalene for OsloMet. I samarbeid med einingane ivaretek avdelinga og det operative ansvaret for å sikre at universitetets kommunikasjon støttar opp under dei vedtatte målsetjingane.
Avdelinga har to seksjonar og jobbar i fem ulike fagteam på tvers i avdelinga og ut mot einingane på fakultet, sentre og i administrasjon.
Dei faglege teama er:
- Team verksemdskommunikasjon
- Team media og formidling
- Team student
- Team digital
- Team marknad
Sjå alle tilsette i avdeling for samfunnskontakt og kommunikasjon.
Les meir om tenestene til avdelinga på tilsettesidene (ansatt.oslomet.no).
Seksjon for profilering, rekruttering og omdømme
Seksjonen har ansvar for grafisk profil, studentrekruttering og studentkommunikasjon. Team student har mellom anna ansvar for velkomstsermoni for nye studentar, Open dag, og kommunikasjon i digitale kanalar retta mot studentar.
Team marknad arbeider hovudsakleg med marknadsføring av universitetets studietilbod ut mot ei brei målgruppe av søkarar. Teamet jobbar med rekruttering, studiepresentasjonar og profilering av universitetet.
Seksjon for samfunnskontakt og forskingsformidling
Seksjonen har ansvar for verksemdskommunikasjon, samfunnskontakt, internkommunikasjon, forskingsformidling og nettsider. Team verksemdskommunikasjon arbeider nært opp mot leiinga med utadretta kommunikasjon med myndigheiter, storbyen og regionen rundt. Samstundes har teamet ansvar for internkommunikasjon.
Team media og formidling jobbar med innsalg til medier av OsloMet si forsking og fagekspertar, og formidlar gode historier frå forskinga ved universitetet. Teamet sender ut eit månadleg nyheitsbrev retta mot eksterne målgrupper. Det er mogleg å abonnere på forskingsnyheiter frå OsloMet.
Team digital har ansvar for universitetets tre hovudnettstader – den eksterne nettstaden og dei for tilsatte og studentar. Teamet ivaretek universell utforming, og sørgjer for at brukarar av nettstadene skal ha ein så god oppleving som mogleg på nett.
