NOVAs forsking om stats- og medborgarskap

Om boka

I boka utforskar forfattarane dette frå to sider, både ovanfrå og nedanfrå.

Ovanfrå studerer vi lovar, offentleg politikk og byråkratiske logikkar som styrer tilgangen borgarane har til sosialt vern. Nedanfrå undersøkjer vi oppfatninga til borgarane av tilhøyrsel og identitet, og moglegheitene deira til å delta og bli inkludert i samfunnet.

Inkluderande statsborgarskap

Med utgangspunkt i desse to perspektiva vurderer vi omfanget og djupna av statsborgarskap og medborgarskap for marginaliserte grupper i Noreg. Utgangspunktet vårt er at Noreg er eit land som bør vere i stand til å sørgje for ei inkluderande form for statsborgarskap til dei fleste av borgarane sine.

Dei ulike kapitla omhandlar grupper med felles utfordringar, og som lever i utkanten av velferdsstaten: menneske med nedsett funksjonsevne, personar som er arbeidsledige, familiar med barn i sårbare livssituasjonar, menneske som kryssar landegrenser, og til slutt framtidige generasjonar.

Ekskludering av borgarar

Vi finn to måtar borgarar blir ekskluderte på, dette omtaler vi som eksklusjonsfilter. Den eine er føresetnadene som borgarar må oppfylle for å få hjelp frå staten, den andre er vanskane borgarane har med å få realisert rettane sine i praksis. Begge eksklusjonsfiltera kan verke samtidig og i ulike kombinasjonar.

Vil du vite meir om funna våre om kva som skal til for at ein borgar skal vere sosialt inkludert, kan du lese kvart enkelt kapittel!

Referanse

Marianne Takle, Janikke Solstad Vedeler, Mi Ah Schøyen, Kjetil Klette-Bøhler og Asgeir Falch-Eriksen (red.) (2023). Citizenship and Social Exclusion at the Margins of the Welfare State. Routledge

Boka er ope tilgjengeleg hos Routledge (routledge.com).