Om kommunen
Eidsvoll er ein jord- og skogbrukskommune på Øvre Romerike, med vel 28 000 innbyggarar, og ei sentral plassering, midt mellom Oslo, Gjøvik, Hamar og Kongsvinger. Kommunen er langstrekt, med eit areal på 456 km2.
I grunnlovsbygda Eidsvoll kan du vandre i kulturlandskapet som gav plass til Eidsivatinget for om lag 1000 år sidan og Riksforsamlingen i 1814, og der Henrik Wergeland og Camilla Collett vaks opp. Eidsvollbygningen ligg både som eit minnesmerke og læringsarena om nasjonsbygginga for to hundre år sidan.
Samarbeidet med OsloMet
OsloMet og Eidsvoll kommune har signert ein intensjonsavtale om samarbeid. Avtalen har som mål å etablere samarbeid innan nokre utvalte, konkrete område, til dømes:
- Rekruttering av personar frå kommunane til studium ved OsloMet
- Etablering av private og offentlege «universitetsverksemder»
- Praksis for studentar
- Etter- og vidareutdanningstilbod
- Rettleiing av bacheloroppgåver og andre oppgåver
- Offentleg sektor-ph.d. for tilsette i kommunen
- Samarbeid om forskings- og utviklingsprosjekt
- Pilotering innanfor kommunale tenesteområde og samfunnsutvikling
- Innovasjon i kommunal sektor
Når det er etablert eit eller flere område for konkret samarbeid skal intensjonsavtalane erstattast med samarbeidsavtalar.
