Kort om
Eg underviser i matematikk og fysikk for ingeniørstudentar.
Sjølv har eg utdanning innan teoretisk fysikk - nærare bestemt atomfysikk.
Eg er opptatt av å vise kor nyttige numeriske metodar er - både for å kunne løyse meir eller mindre kompliserte matematiske problem og for å kunne forstå sjølve matematikken betre.
Når det gjeld forsking, interesserer eg meg mest for korleis mikroskopiske ting oppfører seg - ting som er underlagt lovene i kvantefysikken. Dette inkluderer det som skjer når materie blir påverka av lys - som til dømes når elektron blir rive laus frå atom av ein laserpuls. Og det inkluderer kvante-informasjonsteknologi - altså korleis visse problem kan løysast betydeleg raskare på ein kvantedatamaskin framfor ein "vanleg" ein.
