FoU-avdelinga bidreg både med utviklingsoppgåver og strategisk støtte for å byggje OsloMet som ein framifrå forskingsinstitusjon, styrkje forskarutdanningane og utvikle arbeidet med berekraft, innovasjon og samfunnsforbetringar. Avdelinga har spesialistkompetanse innan forskarutdanning, ekstern forskings- og innovasjonsfinansiering, berekraft, innovasjon og jus. Avdelinga yter bistand til leiinga, fakultet og senter og deira FoUI-administrasjon (forsking, utvikling og innovasjon). Avdelinga er delt inn i to seksjonar: seksjon for forsking og samfunnsforbetringar (FOS) og seksjon for juridiske tenester og strategi (JUS).
Avdelinga samarbeider med universitetsbiblioteket sin seksjon for forskingsstøtte, som har ansvar for rettleiing og støttefunksjonar for vitskapleg publisering og lagring av forskingsdata, og med «Personvern i forsking», som blir koordinert av sikkerheitssorganisasjonen i divisjon for organisasjon og infrastruktur.
Alle tilsette i avdeling for FoU.
Seksjoner i avdelinga
Seksjon for forsking og samfunnsforbetringar (FOS)
Seksjonen har ansvar for råd og rettleiing i saker relatert til forskarutdanning, eksternfinansiering, berekraft, innovasjon, samarbeid og samfunnsforbetringar. Seksjonen utviklar og forvaltar rammeverk, retningsliner og system som sikrar at institusjonen oppfyller lovpålagte krav innanfor seksjonen sine hovudansvarsområde. Seksjonen bidreg òg til kompetanseutvikling innanfor seksjonen sine hovudansvarsområde.
Tilsette i seksjon for forsking og samfunnsforbetringar (FOS).
Les meir om forsking og innovasjon på tilsettsidene (ansatt.oslomet.no).
Seksjon for juridiske tenester og strategi (JUS)
Seksjonen har ansvar for juridisk rettleiing og råd relatert til forsking og innovasjon. I arbeidsområdet inngår mellom anna forskrifts- og regelverksarbeid, kontrakts- og avtalerett, immaterielle rettar og eigarforhold med mer. Seksjonen bidreg i tillegg med strategisk rådgjeving og analyseoppgåver på FoU-området.
Tilsette i seksjon for juridiske tenester og strategi.
Les meir om avtalar og andre juridiske tema på tilsettsidene (ansatt.oslomet.no).
