Strategisk handlingsplan for Fakultet for helsevitskap 2025–2030

Strategisk handlingsplan byggjer på OsloMet sin universitetsstrategi og delstrategiar for utdanning, forsking og utvikling og samfunnsforbetringar. Planen vil bli operasjonalisert gjennom tiltaksplanar.

Samfunnet står overfor store utfordringar dei neste 50 åra. Utanforskap er ei aukande bekymring, befolkningssamansetninga blir endra, og me får stadig fleire eldre med komplekse helseutfordringar og stort behov for helsehjelp.

Samtidig vil helse-, omsorgs- og velferdstenestene oppleve mangel på kvalifisert arbeidskraft. Dette set tenestene under press og gir store omstillingsbehov. Arbeidsprosessar må endrast, og nye teknologiske løysingar og kunstig intelligens vil få ein stor plass i utviklinga av heilt nye typar tenester.

Fakultet for helsevitskap har ei sentral rolle i denne omstillinga, både som utdanningsinstitusjon og kunnskapsleverandør for tenestene. Me tilbyr eit breitt spekter av utdanningar innan helse- og åtferdsvitskap og utdannar kandidatar til dei fleste helseprofesjonar.

Målet vårt er å vere den største leverandøren i landet av kandidatar med helsefagleg høgare utdanning. Kandidatar som blir utdanna hos oss skal ha relevant og framtidsretta kompetanse, vere i stand til å ta i bruk ny teknologi, og bidra til å levere berekraftige tenester med høg omstillingsevne. I det ligg også eit ansvar for å tilby etter- og vidareutdanningar som oppdaterer dei tilsette i tenestene.

Me skal ha sterke forskingsmiljø som leverer forskingsbasert kunnskap og innovative løysingar som bidrar til nødvendig omstilling og utvikling. Me skal ha forsking i heile aksen frå grunnleggjande til anvend forsking og forskinga vår skal ha høg etisk standard og integritet, og vere open og ansvarleg.

Me skal vere synlege og relevante og samarbeide tett med eit breitt spekter av offentlege og private aktørar, inkludert helse-, omsorgs- og velferdstenester, offentlege organ, interesseorganisasjonar og næringsliv. Me skal vere tett på, men også ha eit kritisk blikk på tenestene og bidra til kontinuerleg kvalitetsutvikling gjennom målretta endringsarbeid. Me skal vere forankra i storbyregionen, men samtidig ha både eit nasjonalt og internasjonalt perspektiv.

Hovudmål 1

Fakultetet skal tilby utdanningar av høg kvalitet og sikre studentdemokrati og godt læringsmiljø.

Delmål 1

Tilby relevant, fleksibel, framtidsretta og forskingsbasert utdanning.

Me skal

• styrke vår evne til strategisk styring av studieporteføljen til fakultetet i lys av behovet i samfunnet og gjennom målretta samarbeid og arbeidsdeling med helse-, omsorgs- og velferdstenestene og andre utdanningsinstitusjonar i regionen
• styrke og vidareutvikle utdanningane våre gjennom forsking, innovasjon og andre tiltak
• utvikle berekraftige modellar for internasjonalisering i utdanning
• utvikle tiltak som fremmar forskarkarriere blant mastergradsstudentar og legg til rette for at fleire studentar kan delta i forskingsprosjekt og forskingsgrupper

Delmål 2

Studentar skal ha eit studiemiljø som fremmar læring, trivsel og tilhøyrsel. 

Me skal

• utvikle tiltak som rekrutterer og beheld studentar frå alle delar av befolkninga
• vidareutvikle, i samarbeid med studenttillitsvalde og studentanes fakultetsråd, eit inkluderande og tilhøyrselsfremjande studiemiljø der mangfald er verdsett – dette inkluderer sosiale og faglege samhandlingsarenaer, open kommunikasjon og aktiv studentmedverknad
• jobbe strategisk med å vidareutvikle ein framtidsretta campus som varetek eit godt fysisk og psykisk studiemiljø

Hovudmål 2

Fakultetet skal ha kultur for forsking og høg forskingsaktivitet som blir kjenneteikna av kvalitet og relevans.

Delmål 1

Styrke forsking innan helse og teknologi, inkludering av barn og unge, og berekraftige helse-, omsorgs- og velferdstenester.

Me skal

• utvikle arenaer for samarbeid med andre fakultet og senter på OsloMet innan satsingsområda våre
• vidareutvikle intelligent helse-satsinga gjennom målretta samarbeid med regionale, nasjonale og internasjonale aktørar
• mobilisere til auka samhandling og tverrfagleg innsats innan forsking på inkludering av barn og unge for å støtte opp under det nasjonale samfunnsoppdraget og strategisk satsing på OsloMet
• styrke kompetanse og føresetnader for forsking i dei kommunale tenestene

Delmål 2

Vidareutvikle konkurransedyktige forskingsmiljø på internasjonalt nivå.

Me skal

• følgje opp anbefalingar til fakultetet frå evalueringa Forskingsrådet gjorde av medisin og helsefag
• sikre at forskingsgruppene våre er dynamiske, konkurransedyktige og tilpassa den faglege utviklinga
• utvikle insentiv for framifrå og internasjonalt konkurransedyktige fagmiljø
• drive målretta rekruttering av topp internasjonal forskingskompetanse
• auke inntekter til forsking frå eksterne finansieringskjelder, særleg frå Forskingsrådet og EU
• etablere vegkart for infrastruktur på fakultetet og auke tilgang til areal og infrastruktur for forsking internt og eksternt
• auke synlegheita av forskinga vår og forskingsmiljøa våre og stimulere til at forskarane våre bidrar i samfunnsdebatten

Hovudmål 3

Fakultetet skal bidra til samfunnsforbetring gjennom partnarskap og innovasjon.

Me skal

• styrke kompetanse for utvikling og leiing av partnarskap innan forsking og innovasjon
• styrke kompetanse innan leiing av innovasjonsprosessar
• systematisk utvikle og bruke metodikk for behovsidentifisert forsking
  utvikle modellar for tett integrering med praksisfeltet, inkludert moglegheiter for kombinerte stillingar
• vidareutvikle fagleg innhald i OsloMet-satellittane på Holmlia, Ahus og Sunnaas
• auke forskings- og innovasjonssamarbeid med private og offentlege aktørar utanfor akademia, særleg med kommunar OsloMet har formaliserte samarbeidsavtaler med

Hovudmål 4

Fakultetet skal møte krav til omstilling og endra rammevilkår, samtidig som me varetek eit helsefremjande arbeidsmiljø og er ein attraktiv arbeidsgivar.

Delmål 1

Bevare og styrke eit helsefremjande arbeidsmiljø og samtidig imøtekomme krav til omstilling.

Me skal

• arbeide for eit inkluderande arbeidsmiljø prega av openheit, tillit, felleskap, delekultur, og forståing av at alle tilsette arbeider saman mot felles mål
• forenkle drifta av studia våre, vurdere ressursbruk og prøve ut nye praksismodellar
• sørgje for at me har effektive støttetenester tilpassa behovet for den faglege verksemda
• sørgje for at me har tilgjengelege verktøy, analysar og data for å støtte opp under og sjå langsiktige konsekvensar av endringsprosessar
• forenkle avgjerdsstrukturane ved fakultetet og forbetre tilhøyrande informasjonsflyt
• gjere berekraftige val og redusere klimaavtrykket til fakultetet

Delmål 2

Møte kompetansebehov i heile fakultetsverksemda.

Me skal

• sørgje for god oversikt over våre tilsettes kompetanse slik at me kan utnytte fagressursane våre betre på tvers av emnar, program og fagmiljø, inkludert bruk av fellesemne / felles læringsressursar der det er mogleg og sette i verk tiltak for kompetanseheving ved behov
• utvikle tiltak for å fremme mangfaldskompetanse blant tilsette
• tiltrekkje oss dyktige medarbeidarar og rekruttere frå alle delar av befolkninga

Delmål 3

Vere pådrivar for at ny campus på Lillestrøm blir attraktiv for studentar og tilsette på fakultetet.

Me skal bidra til å utvikle innhald for campus Lillestrøm som gir gode føresetnader for ein levande campus tilrettelagd for tverrfaglege og tverrprofesjonelle arenaer, effektivisering og samhandling internt og eksternt.