Tidleg i januar var over 80 studentar ved Praktisk pedagogikk for fagskolen samla på OsloMet til eit felles dagsseminar om KI-læring og høgare yrkesfagleg utdanning. Mange av dei var på studiestad Kjeller, og ein del var også med digitalt.
Studentane fekk ei innføring i KI og læringa til vaksne, og dei fekk sjølv utforske KI-verktøy som ChatGPT til bruk i eigen arbeidskvardag.
Bidrar til praksisfellesskap
Blanca Estela Braña de Hvidsten, universitetslektor ved OsloMet og ein av dei fagleg ansvarlege for studiane, seier at formålet med å samle kulla på tvers er å skape ein arena for deling av erfaringar blant fagskolelærarar, og å bidra til livslang læring. Ho arrangerte samlinga saman med Anette Lund Follestad og Anne Stine Solberg.
– Dei som allereie hadde prøvd KI, fekk høve til å prøve seg med konkret bruk av leietekster med eigne arbeidsdokument. Dei som ikkje hadde prøvd i det heile fekk utforske moglegheitene på ein trygg måte.
Ho fortel at studentane gir tilbakemeldingar om at slike samlingar bidrar til å utvikle lokale praksisfellesskap blant fagskolelærarane.
Stikkord frå oppsummeringa til studentane av tematikken var “effektiviserande”, “sparringspartnar” og “spennande”. Samtidig hadde dei nokre kritiske refleksjonar rundt faren for juks.
Vi utdannar fagfolk til eit arbeidsliv i rask utvikling
Braña de Hvidsten meiner eit av dei viktigaste bodskapa kom frå student Carlos Henriquez:
"Det dreier seg ikkje om oss (lærarar)".
– Med dette meinte Carlos at same kva vi (lærarar) meiner om KI, vi er plikta til å utdanne fagfolk som skal ut i eit arbeidsliv i rask utvikling.
Fleire av studentane har sjølv tatt i bruk KI i arbeidet sitt som lærarar i fagskolen. Fleire av dei delte erfaringane sine:
- Carlos Henriquez snakka om frykta for kunstig intelligens.
- Eirik Mæland Yven snakka om vurdering og KI.
- Kristoffer Thomsen åtvara mot KI-latskap.
- Lasse Stenseth snakka om GDPR og KI.
- Willem Pieter Benschop delte eit positivt eksempel.
Seminaret blei leidd av Ståle Langvik Christiansen, fagskolelærar og digital pedagog, med stor interesse for læringa til vaksne.
Jobbar du med undervisning eller rettleiing i fagskolen?
OsloMet tilbyr to vidareutdanningar i praktisk pedagogikk for fagskolen:
